بجاية… بجاية لؤلؤة الجزائر و عاصمة القبائل الصغرى. تعرف بأنها أكثر المدن عراقة و أصالة نظرا لتميزها بالتراث الحضاري الأصيل ، من معالم أثرية لأماكن سياحية ، بلا مننساو روعة أكلها التقليدي ليتميز بالبنة و الهمة و أنواع و أشكال من بينهم و أشهرهم ثحبولت المرقة و التي تعتبر من أقدم الاكلات القبائلية و أشهرها و اللي راح نشوفوها مع بعض في فيديو نتاعنا لحلقة اليوم.
السلام عليكم و رحمة الله تعالى و بركاته من جديد ، و صفتنا لحلقة اليوم ثحبولت المرقة :
راح نبداو أولا نحط 4 معالق زيت زيتون و نضيفله بصل مبشور و نخليوهم يتقلاو ، و بعد من كون قطعت الخضر نتاعي الكابويا الزرودية و البطاطا و اللفت نضيفهم للبصل مع البهارات ( سكنجبير ، حرور ، ملح، زعفران،فلفل أحمر ، قصبر مطحون،رأس الحانوت و الثوم ) نقلوهم مع بعض بعد ميتقلاو مليح نضيفوا الما حوالي كوب و نصف و نتركوهم على نار هادئة و ننتاقلوا للأهم و هي الحبولة
نحتاجوا للحبولة 4 حبات بيض و نضيفولهم 4 معالق زيت و شوية ملح و ثوم و نواصلوا الخلط حتى يمتازجوا المكونات مع بعض و منبعد نضيف ست معالق كبار سميد رقيق و كيس فرفارة مع مواصلت الخلط حتى نتحصلوا على هذ القوام و نتركوها طيب فالمقلاة
نرجع المرق تاعي لراه جاهز تماما كيما رانا مشوفوا .
طبق ثحبولت المرقة القبائلي راه واجد البنة و الحطة الله الله إن شاء الله يكون عجبكم الفيديو نتاع اليوم و ديتو فكرة على لؤلؤة الجزائر و محط التراث الحضاري .
#فايدي_فردوس
#نقال_فريال
